Gildi

Börn í Hvolsskóla eiga rétt á að fá þá bestu menntun sem möguleg er hér á landi.

Í Hvolsskóla ríkir gagnkvæm virðing í samskiptum fólks sem birtist m.a. í starfsháttum meðal nemenda og starfmanna sem einkennast af samvinnu og lýðræðislegri ákvarðanatöku.

Framtíðarsýn

Í Hvolsskóla er einstaklingurinn í brennidepli sem birtist í einstaklingsmiðuðu námi, samvinnu og sveigjanleika í kennsluháttum.

Miða skal við þarfir og getu hvers og eins, með það að markmiði að stuðla að hámarksárangri.

Í skólastarfinu er lögð áhersla á samvinnu við grenndarsamfélagið, að kalla eftir og virða skoðanir fólks í samfélaginu.

Litið er á samfélagið allt sem námsvettvang fyrir nemendur.

Nemendur skulu tileinka sér sjálfsaga, sjálfsvirðingu og raunhæft sjálfsmat.

Gagnkvæm virðing einkenni öll samskipti sem skilar sér m.a. í aukinni ánægju nemenda og kennara.

Hvolsskóli er umhverfisvænn skóli.

Námið er skipulagt í nánum tengslum við umhverfið og náttúruna með virðingu fyrir hvorutveggja að leiðarljósi.