Einstaklingsmiðun

Í Hvolsskóla er einstaklingsmiðað nám skilgreint eftirfarandi

Með einstaklingsmiðuðu námi er átt við viðleitni kennarans til þess að bregðast stöðugt við námslegum þörfum hvers nemanda. Markmið einstaklingsmiðaðra kennsluhátta er að hver nemandi nái hámarks þroska og árangri.
Einstaklingsmiðuð kennsla er sveigjanleg. Einstaklingsmiðuð kennsla á rætur sínar að rekja til árangurs og stöðugs mats á námsþörfum nemandans.
Einstaklingsmiðun er hægt að nálgast út frá inntaki, framkvæmd og afrakstri. Út frá þessum þáttum getur kennarinn einstaklingsmiðað með hliðsjón af námsgrunni nemenda, áhugasviði þeirra og námssniði.
Í Hvolsskóla leggjum við áherlsu á fjölbreyttar kennsluaðferðir. Við leggjum áherslu á að kennarinn er kennari og meginhlutverk hans er að kenna nemendum. Við leggjum áherslu á kennslu í litlum hópum, þ.e.a.s. að kennarinn skipuleggi starfið í kennslustofunni þannig að þeir tali við lítinn hóp í einu og skipuleggi nám og virkni annarra nemenda með það í huga.